Kryemadhi në Fier: TVSH për biznesin e vogël, plan për dhënien me koncesion
Kryetarja e LSI-së Monika Kryemadhi ka vijuar turin e takimeve me strukturat e forcës sësaj politik në Fier. Pasi ka ftuar mbështetësit të bashkohen protestës së opozitës me 27 janar, Kryemadhi ja vënë theksin te përfshirja e biznesit të vogël në skemën e TVSH-së.
“Vendosja e skemës së TVSH-së nuk ka të bëjë me formalizimin e ekonomisë por për të futur në bizneset e vogla në skemën e TVSH-së në mënyrë që ato të shkojnë drejt falimentimit. Jo për të falimentuar ato por për t’i detyruar që të futen në një proces që të përfshihen në pjesën e një skeme tjetër që shumë shpejt brenda vitit do të dëgjoni sesi Drejtoria e Përgjithshme e Tatimeve do të thotë ne nuk kemi fuqi që të mbledhim TVSH te 100 e ca mijë biznese të vogla. Dhe do të kërkojë që dhe mbledhjen e TVSH-së ta japi me konçension” tha Kryemadhi, sipas njoftimit zyrtar.
Sa i përket protestës, Kryemadhi tha se ajo shkon përtej bindjeve politike dhe se duhet të jetë një reagim ndaj situatës së vështirë ekonomike me të cilën përballen qytetarët.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.