Kryeministri apelon për qetësi e solidaritet në përballimin e pasojave të tërmeteve që kanë goditur Shqipërinë! Strukturat e shtetit të angazhuara

Kryeministri Edi Rama apelon për qetësi e solidaritet në përballimin e pasojave të tërmeteve që kanë goditur Shqipërinë!

“Goditja e fuqishme e tërmetit ka krijuar pasoja të rënda dhe fatkeqësisht kemi jetë të humbura😢Të gjitha strukturat e shtetit janë në këmbë qysh në momentet e para pas goditjes. Punohet intensivisht për të shpëtuar çdo jetë të mundshme në disa pika fatale në Durrës e Thumanë.

Eshtë një moment dramatik ku sidoqoftë duhet të ruajmë me çdo kusht qetësinë,të qëndrojmë pranë njëri-tjetrit e ta përballojmë këtë goditje SE BASHKU🤝Ne do të bëjmë gjithçka kemi në dorë dhe me miqtë e mëdhenj në krah do ta kalojmë edhe këtë situatë🙏#Kurajo #Durim #Solidaritet

Të gjithë miqtë e Shqipërisë po aktivizohen me shpejtësi🙏 Kryeministri Conte e kryeministri Mitzotakis nisën avionët me skuadrat speciale🙏 Presidenti Macron e Presidenti Erdogan më shprehën gatishmërinë për çdo nevojë🙏 Ambasadat e BE/SHBA kanë njoftuar qysh herët gatishmërinë🙏

Kontaktet vazhdojnë intensivisht.

Qysh herët më ka telefonuar edhe Presidenti Thaçi, i cili ka aktivizuar skuadrat speciale të FSK drejt zonave të krizës emergjente për nxjerrjen e njerëzve ende nën rrënoja🙏

Vazhdojnë kontaktet, ndërkohë që në terren po bëhet gjithçka e mundur, në çdo pikë ku ka rrënoja, si edhe për të asistuar të gjithë të dëmtuarit që kanë nevojë për ndihmën shëndetësore” shkruan kryeministri në postimet e tij.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.