Kryeministri çek sulmon BE pas raportit të auditimit, ndërsa protestat në vend rriten

Kryeministri çek Andrej Babis mblodhi të shtunën kritikat e një auditimi të Komisionit Europian në konfliktet e tij të mundshme të interesit, duke i cilësuar auditorët si të paaftë dhe duke kërkuar një takim me kreun e ekzekutivit të komisionit. Përgjigjja e tij erdhi pasi rreth 120,000 protestues dolën në rrugët e Pragës të martën në mbrëmje për të kërkuar dorëheqjen e Babisit, një nga protestat më të mëdha që nga fundi i komunizmit në 1989. Demonstruesit filluan protesta javore kundër Babisit në fund të prillit, të zemëruar për një hetim penal për mashtrimin e pretenduar të subvencioneve të një dekade më parë dhe lidhjet e tij me konglomeratin bujqësor dhe mediatik që ai ndërtoi.

Konfliktet e pretenduara të Babisit çuan në një kontroll të Komisionit, i cili ju zbulua mediave javën e kaluar. Në përfundimet paraprake, auditimi përcaktoi që grupi i tij Agrofert nuk duhej të kishte qasje në fondet e zhvillimit të Bashkimit Europian gjatë viteve të fundit për shkak të konflikteve të interesit. Autoritetet çeke duhet të komentojnë mbi auditimin para se të përfundojë. Por kjo ngre mundësinë që qeveria çeke do të duhet të kthejë fondet e Bashkimit Europian. Babis ka mohuar gjetjet e auditimit, duke u thënë ligjvënësve të martën se ai ishte një sulm ndaj Republikës Çeke dhe interesave e saj dhe duke thënë se asnjë fond nuk do të kthehej. Të mërkurën, ai u tha gazetarëve se ai donte të takohej me Presidentin e Komisionit Jean-Claude Juncker gjatë një takimi të 20-21 qershorit të BE. “Unë sigurisht do t’i kërkoj Junckerit se si është e mundur që ai ka auditorë të tillë të paaftë, sepse sjellja e tyre ishte skandaloze”, tha Babis.

Babis po lufton gjithashtu një hetim të policisë çeke nëse ai ka marrë në mënyrë të paligjshme një subvencion prej 2 milionë eurosh një dekadë më parë për një qendër ferme dhe konventash, duke fshehur pronësinë e saj. Babis është përplasur me udhëheqësit e BE-së për shkak të politikës së ashpër kundër emigracionit, por ai ka qenë më pro-BE sesa homologët e tij nacionalistë në Poloni apo Hungari. Pavarësisht nga rastet ligjore, partia e Babis ANO, mbetet forca kryesore politike, shumë larg partive të tjera, e ndihmuar nga një ekonomi e fortë dhe një qasje afariste ndaj qeverisë.

Burimi: Reuters

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.