Kryeministri i Suedisë kërkon hetim për përgjigjen e vendit ndaj pandemisë – Politika e ndjekur është vërtetuar si dështim

Kryeministri i Suedisë ka urdhëruar një hetim mbi vendimin e vendit për të mos imponuar një bllokim të koronavirusit, pasi vendi pësoi mijëra vdekje më shumë se fqinjët e tij.

“Ne kemi mijëra të vdekur, tani çështja është se si, jo nëse Suedia duhet të ndryshojë qasje.”, tha Kryeministri suedez Stefan Lofven në një konferencë për shtyp, ndërsa pranoi se trajtimi i vendit kishte ekspozuar “mangësitë” të Suedisë, raportoi Times of London.

Për dallim nga shumica e vendeve të tjera evropiane, përfshirë fqinjët e saj më të afërt, Suedia nuk zbatoi masa të rrepta bllokimi.

Në maj, epidemiologu shtetëror i Suedisë, Anders Tegnell, e justifikoi këtë politikë duke thënë se vendet që imponuan bllokime të rrepta ka të ngjarë të pësojnë valë të mëdha të dyta më vonë gjatë këtij viti, ndërsa në Suedia vala e dytë do të jetë më e vogël.

Sidoqoftë, strategjia duket se ka dështuar, me të dhënat e fundit që sugjerojnë se virusi është përhapur më shpejt në Suedi, ndërsa nuk ka arritur të stimulojë antitrupa të mjaftueshëm në komunitet për të parandaluar një valë të dytë.

5.370 njerëz në Suedi kanë vdekur nga COVID-19 që nga mëngjesi i së enjtes, duke e vendosur atë në mesin e vendeve më të prekura në botë për sa i përket vdekjeve për frymë.

D.B – SCAN
Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.