Kryeministri për sektorin bujqësor: Është i qëndrueshëm, 18% më shumë eksporte krahasuar me një vit më parë

Në një deklaratë në rrjetin social Facebook, Kryeministri Rama është shprehur në shifra për sektorin bujqësor, ku deklaron të dhënat nga Drejtoria e Doganave për rritjen e eksporteve në tremujorin e parë krahasuar me atë të vitit 2019. Ai ka njoftuar gjithashtu se puna në këtë sektor do të vijojë normalisht edhe gjatë krizës së pandemisë, me individët dhe kompanitë që kanë marrë masat e duhura mbrojtëse.

Kryeministri Rama ne FB:

🔴 SHIFRA ZYRTARE DHE FAKTE NGA PUNA NË FSHAT

🔴Edhe pse në një situatë të jashtëzakonshme aktiviteti në sektorin bujqësor vijon, madje sipas të dhënave zyrtare nga Drejtoria e Doganave, vetëm gjatë muajit mars 2020 kemi 18% më shumë eksporte të prodhimeve bujqësore krahasur me marsin 2019.

🔴 Edhe tre muajt e parë të këtij viti janë me rritje krahasuar me të njëjtën periudhë të vitit të shkuar.

🔴 Askush nuk e parashikon dot se sa do të zgjasë lufta. Deri tani, falë punës së admirueshme në fshat, ku edhe rreziku është i ulët dhe lejeve të punës për zinxhirin e aktivitetit prodhues, grumbullues e shpërndarës, konstatojmë me gëzim se qëndrueshmërinë e sektorit në tërësi – ndonëse ka një çekuilibrim të tregut për disa produkte të caktuara që mbetet një problem i krijuar nga lufta.

🔴 Fermerët dhe blegtorët do të vijojnë punën normalisht, duke iu përshtatur me vetëdije e këmbëngulje, masat individuale mbrojtëse ndaj armikut.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.