Kryeministri Rama letër homologut të tij kinez: Populli dhe qeveria shqiptarë janë pranë jush në këtë kohë krize!
Kryeministri vendit, Edi Rama në një letër dërguar homologut të tij kinez, H.E Li Keqiang, ka shprehur solidaritetin e Shqipërisë dhe popullit shqiptar ndaj atij të Kinës, gjatë shpërthimit të Koronavirusit në qytezën e Wuhan, Hubei.
Rama ka theksuar vlerësimin e tij për punën e bërë nga autoritetet kineze dhe stafi i tyre mjekësor, në luftën kundër këtij virusi të ri dhe minimizimin e efekteve të tij.
Ai ka siguruar gjithashtu qëndrimin bashkëpunues dhe mbështetës të popullit dhe qeverisë shqiptare ndaj atij kinez.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.