Kryeministri Rama tregon ambiciet e qeverisë: “Në fund dhjetori përfundojmë revolucionin digjital. 1200 shërbime online, eliminojmë korrupsionin”
Kryeministri Edi Rama, teksa ka folur nga ceremonia e hapjes së zyrave të Akademisë së Kodimit nga Protik është shprehur se qeveria që ai drejton synon që të kryejë një “revolucion digjital” në fushën e administratës dhe që të gjitha shërbimet e kryera nëpër këto zyra të kalojnë online.
Kjo duhet të ndodhë sa më parë sepse administrata sipas kryeministrit është ende e re për të qenë në lartësinë e duhur, pasi vuan nga një sëmundje e vjetër si rryshfeti.
“Ambicia jonë të mbyllim këtë kapitull me hallet e njerëzve si pasojë e një administrate që është ende e re për të qenë në lartësinë e duhur dhe që vuan nga sëmundje të vjetra, si rryshfeti. Ta mbyllim duke çuar në xhepin e çdokujt në smartfonin e çdokujt të mos ketë nevojë më askush që të dalë nga shtëpia të mbajë rrahdën dhe të presë me ankth se çfarë lloj fytyre do ketë shteti për të, në trajtën e administratorit të rradhës, që sado është përmirësuar mbetet një fytyrë e padëshirueshme”, tha Rama.
Më tej kryeministri tha se deri në fund të vitit do të kemi mundësinë të marrin 1200 shërbime online, kurse aktualisht janë 660 shërbime. Sipas tij kur PS erdhi në pushtet shërbimet online ishin vetëm 13.
“Këtu ku jemi sot kemi arritur duke bërë një kapërcim shumë të madh. Në fund të vitit 2013 kur morëm detyrën AKSH ishte krijuar dhe shërbimet online ishin 13. Në fund të vitit do ta kemi për të gjithë mundësinë që 1200 shërbime ti marrin pa shkuar në zyra pa pritur që dikush t’u japë një dorë për të kapërcyer rradhën apo për ta marrë më shpejt apo për të mos qenë të refuzuar.
Është e sigurt që sot ka një çlirim të konsiderueshëm, sot që flasim kemi 660 shërbime aktive dhe me fuytjen e bllokut të fundit të shërbimeve online mbyllet faza e revolucionit digjital.” shtoi kryeministri.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.