Kryeministri takon ambasadoren amerikane dhe njofton: Miratuam ligjin special për masat pasurore ndaj krimit të organizuar
Kryeministri Edi Rama ka pritur në takimin e mirëseardhjes ambasadoren e re amerikane në Shqipëri, Yuri Kim. Sipas kryeministrit, takimi kishtë në fokus prioritetet e përbashkëta si dy vende aleate.
Në postimin e tij, kryeministri e cilësoi takimin si “koinçidencë të bukur” për faktin se pas takimit u zhvillua mbledhja e qeverisë ku u miratua paketa antikorrupsion e ashtuquajtur “Anti-KÇK” dhe ligji special për masat pasurore ndaj krimit të organizuar.
“Në vizitën e sotme prezantuese me Kryeministrin Rama, Ambasadorja e Shteteve të Bashkuara Yuri Kim pati mundësinë të përvijojë prioritetet e Shteteve të Bashkuara në Shqipëri: të ndihmojë Shqipërinë për t’u bërë një aleate më e aftë në NATO dhe një bastion më i fortë sigurie; mbështetje për zhvillimin demokratik dhe sigurimin e zbatimit të duhur të reformave në drejtësi; dhe rritjen e mundësive të biznesit për shqiptarët dhe amerikanët. Ajo falenderoi Kryeministrin për përpjekjet e jashtëzakonshme të Shqipërisë në çuarjen përpara të prioriteteve tona të përbashkëta” shkruhet në njoftimin e ambasadës.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.