Kryeministrja Sturgeon: ‘Skocia e pavarur dëshiron të kthehet në BE’!
Dëshira e Skocisë është “të kthehet në Parlamentin Europian si një komb i pavarur. Dihet që shumica e skocezëve zgjodhën të qëndrojnë në BE kur u pyetën gjatë referendumit të vitit 2016”, u shpreh kryeministrja skoceze Nicola Sturgeon gjatë një aktiviteti të organizuar nga qendra e politikave europiane. “Ne po largohemi nga BE në një kohë kur nuk kemi përfituar kurrë kaq shumë nga Bashkimi, kur kurrë nuk ka pasur aq shumë nevojë për BE”, tha Kryeministrja.
Lidhur me krizën klimatike, “bashkëpunimi me BE përmirëson aftësinë tonë kolektive për të luftuar ndryshimin e klimës dhe forcon zërin tonë në negociatat ndërkombëtare”, tha Sturgeon, duke kujtuar se Glasgo ë do të jetë pritës i Konferencës së Kombeve të Bashkuara për klimën këtë vit. Skocia “ndihet keq për Brexit dhe shumë prej nesh vazhdojnë të ndjehen europian”, insistoi ajo duke shtuar gjithashtu se: “Për sa kohë jemi pjesë e Mbretërisë së Bashkuar do të përpiqemi të ndikojmë në politikat e qeverisë dhe të punojmë në mënyrë konstruktive”.
“Me gjithë pesimizmin për drejtimin e ndërmarrë nga qeveria britanike për marrëdhëniet e ardhshme me BE, ne do të përpiqemi të ndikojmë në negociata, në mënyrë që ata të përfitojnë nga Skocia, Mbretëria e Bashkuar dhe BE. Dhe në veçanti do të vazhdojmë të nënvizojnë rëndësinë e marrëdhënieve tregtare sa më të afërta “.
“BE e ka bërë të qartë se sa më shumë të largohemi nga standardet e Unionit, aq më pak do të kemi qasje në tregun e vetëm. Prandaj, e drejta për t’u zhvendosur do të kushtojë shumë,” përfundoi ajo.
“Unë jam një demokrate dhe besoj se për t’u bërë i pavarur në mënyrë të ligjshme (nga Mbretëria e Bashkuar) është e nevojshme të demonstroni se ky është vullneti i shumicës së qytetarëve”, tha Sturgeon, “dhe për këtë arsye kemi nevojë për një referendum dhe jo vetëm një deklaratë qeveritare të pavarësisë.” (ANSA)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.