Kryetarja e BQE: Rikuperimi nuk do të jetë i shpejtë, por transformativ – Bota duhet të ndryshojë prioritetet
Christine Lagarde, presidentja e Bankës Qendrore Evropiane, paralajmëroi se ndërsa bota mund ta ketë kaluar më të keqen e krizës së koronavirusit, një rikuperimi ka të ngjarë të mos jetë i drejtpërdrejtë.
Pandemia e koronavirusit ka sjellë “recesionin më të mprehtë, më të thellë”, por “ne ndoshta e kemi kaluar pikën më të ulët”, tha Lagarde të premten gjatë Samitit të Dritave Veriore, duke shtuar se “ne po shkojmë drejt një rikuperimi”.
Megjithatë, Lagarde paralajmëroi që një rikuperim mund të mos jetë aq i shpejtë dhe i fortë sa disa shpresojnë. “Rikuperimi do të jetë një çështje e ndërlikuar. Unë do ta karakterizoja atë si sekuencial dhe të përmbajtur,” tha ajo.
ECB vlerëson se prodhimi i brendshëm bruto i zonës së euros u ul 16% në gjysmën e parë të vitit 2020, por pret që një rikthim i gjysmës së dytë të nxisë një rritje pozitive në 2021.
Por edhe nëse rritja kthehet në nivelet e para-krizës, Lagarde nuk mendon se bota do të kthehet në status-quo e mëparshme, pasi rimëkëmbja do të jetë “jo e plotë, dhe mund të jetë transformuese”.
Gjatë krizës dhe rimëkëmbjes, vëmendje e veçantë duhet t’i kushtohet njerëzve më të varfër në botë, vendeve më të varfra, rinisë dhe grave, sipas Lagarde.
“Ne po shohim qartë se më të rrezikuarit dhe më të brishtët do të jenë këta grup njerëzish”, tha ajo.
Shpresa e saj është se pandemia do të ndihmojë botën të ndryshojë prioritetet, për t’i kushtuar më shumë vëmendje grave, mjedisit dhe atyre që kanë më shumë gjasa të preken nga kriza sesa të tjerët.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.