“Kryqëzohet” Elon Musk – SHBA e detyron të tërheqë 160.000 makina nga tregu amerikan
Tesla është detyruar të tërheqë plot 160.000 makina nga tregu amerikan. Agjencia Amerikane e Sigurisë Rrugore, Nhtsa (Administrata Kombëtare e Sigurisë së Trafikut të Autostradave) i kërkoi Elon Musk-ut të tërheqë 158.000 makina në Shtetet e Bashkuara, për një çështje sigurie në lidhje me menaxhimin e kujtesës në kompjuterin në bord.
Makinat e prekura janë “Modeli S”, i periudhës së viteve 2012 – 2018, si dhe “Modeli X”, i prodhimit midis vitit 2016 dhe vitit 2018, sipas një letre dërguar prodhuesit të automjeteve elektrike. NHTS thotë se hetimi i tij “arriti në përfundimin se ka një të metë sigurie në modelet e shqyrtuara”.
Memoria e kompjuterit në bord, posaçërisht sistemi i informacionit dhe argëtimit (MCU), ka një cikël të kufizuar të jetës, që do të thotë se ky sistem mund të mos funksionojë më siç duhet pas një numri të caktuar programesh. Ky problem mund të shkaktojë gjithashtu fshirjen e cikleve të kujtesës.
“Gjatë një dështimi të MCU, ekrani bëhet i zi dhe kamera e pasme, gjithashtu një kamera sigurie, nuk është më e disponueshme për shoferin. Nëse imazhi nuk është më i disponueshëm, rreziku i aksidenteve rritet, gjë që potencialisht mund të çojë në lëndime apo edhe vdekje ”, shpjegon Nhtsa.
Ky problem mund të ndikojë edhe në sistemin e asistuar të, atë shumë të përfolurin që Tesla e quan “autopilot”, e që tashmë ka krijuar më shumë se një problem në vitet e fundit.
Burimi origjinal: Ilsole24ore
Përshtati në shqip: SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.