Kthesa e fortë e kancelarit austriak para ikjes në Izrael: Për vaksinat nuk do të bazohemi më në Bashkimin Europian!
Kancelari austriak Sebastian Kurz, para udhëtimit në Izrael njofton një kthesë të fortë sa i përket vaksinave Anti-Covid.
“Austria, Danimarka dhe disa vende të tjera në të ardhmen nuk do të bazohen te BE dhe sëbashku me Izraelin, në vitet e ardhshme do të prodhojmë doza vaksine të gjeneratës së dytë për transformimet e ardhshme që mund të ketë virusi. Po ashtu, do të punojmë sëbashku për të kërkuar opsionet e trajtimit” ka deklaruar Kurz.
Në kuadër të vizitës në Izrael, Kurz do të takohet me përfaqësuesit e kompanive kryesore farmaceutike të vendit.
Kryeministri izraelit Benjamin Netanyahu ka deklaruar dje se me Kurz e kryeministrin daneze Mette Frederiksen do të diskutojë për “një bashkëpunim në prodhimin e vaksinave”.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.