Kthesa e papritur e Euros, zhvlerëson ndjeshëm Lekun – Dollari dhe Paundi e mbyllin javën në rënie

Euro ka shënuar një kthesë ta papritur ditën e premte, pas luhatjeve të herëpashershme gjatë gjithë këtij muaji. Valuta e eurozonës është forcuar e plot 0.5 lekë për njësi kundrejt monedhës kombëtare, duke u ngjitur në kuotën e 123 lekëve.

Ndërkohë, situata nuk paraqitet pozitive për dollarin amerikan dhe paundin britanik. Valuta amerikane ka regjistruar një rënie me 0.2 lekë për njësi dhe këmbehet sot në pikat e këmbimit valutor për 107.3 lekë në blerje dhe 108.3 lekë në shitje.

Ndërsa ka ndjekur të njëjtin trend rënës, sterlina është zhvlerësuar minimalisht me 0.3 lekë për njësi. Monedha britanike këmbehet sot për 135.7 lekë në blerje dhe 136.5 lekë në shitje.

Sa i takon valutave të tjera, dollari australian nuk ka regjistruar luhatje gjatë ditës së premte, ndërkohë dollari kanadez ka regjistruar një rënie të lehtë me 0.3 lekë për njësi.

Ndërsa, e ka mbyllur javën me një rritje të madhe franga zvicerane, e cila është forcuar me plot 0.6 lekë për njësi kundrejt monedhës kombëtare, lekut, duke u ngjitur kështu në kuotën e 108.8 lekëve.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.