Kujdes! Shtetet ku tatuazhet janë ilegale, mund të deportoheni ose futeni në burg

Në vendet e zhvilluara, veçanërisht viteve të fundit, tatuazhet shihen “aksesor” i bukurisë, ose vlerë e shtuar e personalitetit të dikujt. Por, në shumë vende, tatuazhet shihen ende si tabu. Ekspozimi i tyre në shtete specifike mund të rezultojë në arrestim, edhe atëherë kur bëhet fjalë për një turist. Madje, “fatura” mund të paguhet edhe me dëbim.

Më poshtë, një listë e vendeve ku duhet të jeni shumë të kujdesshëm në lidhje me shfaqjen e tatuazhit tuaj, përndryshe mund të përfundoni në më shumë telashe nga sa mendohej më parë!

Gjermania, Franca dhe Sllovakia

Secili nga këto tre vende praktikon ligje specifike që ndalojnë shfaqjen e çdo tatuazhi që simbolizon ose lavdëron kulturën naziste. Ekspozimi i çdo tatuazhi të tillë mund të çojë në arrestim dhe dëbim të mundshëm.

Qëndrimi ndaj tatuazheve në Gjermani, Francë dhe Sllovaki në përgjithësi është plotësisht i pranueshëm, por nëse keni diçka që simbolizon ose madje duket sikur mbështet regjimin e mëparshëm nazist, do ta gjeni veten në shumë telashe.

Sri Lanka dhe Tajlanda

Sri Lanka ka parë shumë arrestime brenda dekadës së fundit për shkak të udhëtarëve dhe emigrantëve që ekspozonin ose shfaqnin në publik tatuazhet e tyre Buda/Budiste.

Sri Lanka si vend ka besime jashtëzakonisht të forta budiste dhe si e tillë, qeveria është shumë e ndjeshme që feja e tyre të mos dëmtohet në asnjë mënyrë – veçanërisht kur një ‘i huaj’ shihet duke shfaqur një tatuazh që shënon diçka kaq simbolike brenda vendit.

Ashtu si Sri Lanka, Tajlanda po “godet” gjithashtu turistët që ekspozojnë tatuazhe me temë fetare. Qeveria tajlandeze thotë se ata besojnë se tatuazhet fetarë janë të papërshtatshëm nga pikëpamja kulturore dhe se ato gërryejnë respektin e feve vendase.

Tatuazhet jo fetare në këto vende janë zakonisht të mira, dhe meqenëse të dy vendet janë vendosur si destinacione kryesore turistike, vendasit zakonisht i pranojnë të huajt që kanë tatuazhe.

Japonia

Japonia është çuditërisht e rreptë kur bëhet fjalë për tatuazhet, veçanërisht duke pasur parasysh se shpesh shihet nga shumë njerëz si një nga vendet origjinë për artin.

Në historinë e kohëve të fundit, tatuazhet kanë pasur konotacione negative në pjesën më të madhe të vendit dhe zyrtarët janë fuqimisht kundër çdo tatuazhi të ekspozuar që mund të perceptohet si tronditës ose ofendues. Kjo, veçanërisht nëse lidhet me ndonjë bandë të krimit të organizuar brenda vendit.

Shumë zona publike brenda Japonisë ndalojnë hyrjen nëse keni tatuazhe të dukshme. Këto zona përfshijnë banja, palestra dhe vendpushime. Një sondazh i fundit i qeverisë zbuloi se 56% e hoteleve dhe bujtinave ndalojnë në mënyrë aktive vizitorët me tatuazhe nga zonat e tyre publike të banjës.

Korea e Veriut

Edhe pse disa tatuazhe lejohen brenda vendit, ato i nënshtrohen rregullave shumë të rrepta. Të gjitha tatuazhet e ekspozuara brenda Koresë së Veriut duhet të tregojnë lavdërim ndaj familjes Kim (udhëheqësve) ose përndryshe të kenë një lloj qëllimi politik të miratuar që u atribuohet atyre.

Nëse zbuloni se keni tatuazhe që nuk lidhen me këto specifikime, atëherë mund të depërtoheni apo edhe të dënoheni me punë të rëndë në burg.

Vietnami

Tatuazhet dikur kishin një stigmë në kulturën vietnameze; ato u konsideruan si të lidhura me veprimtari kriminale dhe të paligjshme, dhe operimi ose zotërimi i çdo lloj dyqani/studio brenda vendit u ndalua.

Por, të ndikuar nga tendencat ndërkombëtare, vietnamezët janë bërë më të hapur ndaj konceptit dhe industria e tatuazheve po rritet me shpejtësi.

Nëse jeni duke udhëtuar jashtë qyteteve kryesore dhe e gjeni veten duke marrë vëmendje negative për tatuazhet tuaja, kjo mund të jetë rezultat i mendësive dhe qëndrimeve të vjetra, të cilat ende ekzistojnë në mesin e brezave të vjetër dhe komuniteteve më tradicionale.

Irani

Bërja e tatuazheve ose shfaqja e tatuazheve në publik është bërë një çështje delikate në këtë vend vitet e fundit.

Zyrtarët qeveritarë dhe udhëheqësit e vendeve kanë deklaruar publikisht se ata besojnë se praktika e tatuazheve është e lidhur me adhurimin e djallit dhe se të bërit tatuazhe shihet si një trend i perëndimit, gjë që kundërshtohet ashpër.

Nëse shkoni në Iran, jini jashtëzakonisht të kujdesshëm në lidhje me ekspozimin e çdo lloj boje – veçanërisht të bazuar në fe.

Po ashtu, në vende të tjera islamike si Arabia Saudite, Afganistan, Emiratet e Bashkuara, Malajzi, Jemen.

Turqia

Edhe pse tatuazhet nuk janë aktualisht të paligjshëm brenda vendit, zyrtarët e lartë të Turqisë janë bërë gjithnjë e më armiqësorë ndaj artit të trupit në kohët e fundit.

Organi më i lartë fetar në Turqi lëshoi një kërkesë për të gjithë myslimanët me tatuazhe brenda vendit që ose të pendohen, ose ta heqin tatuazhin me ndërhyrje kirurgjikale.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.