Kujdesi për zhvillimet e ekonomisë, Powell: Qasje më e ngadaltë në përcaktimin e politikave monetare në të ardhmen
Kryetari i Rezervës Federale, Jerome Powell, tha në një dëshmi në Kongres se institucioni do të ndërmarrë një qasje më të ngadaltë në përcaktimin e politikave monetare në të ardhmen.
Powell tha se vendimet e politikave do të vazhdojnë të varen nga të dhënat dhe do të përfshijnë informacione të reja në bazë të zhvillimeve ekonomike.
Në dëshminë e tij përballë Komitetit të Bankgingut në Senat, kryetari i Rezervës Federale tha se objektivi aktual i normës bazë të interesit qëndron në 2.25%-2.5% dhe shtoi se institucioni do të kushtojë më shumë vëmendje ndaj zhvillimeve ekonomike e financiare botërore.
Powell foli gjithashtu për përpjekjen e institucionit për të tkurrur bilancin nëpërmjet reduktimit të zotërimit të titujve të Thesarit.
Totali i aktiveve i Rezervës Federale ka rënë me 310 miliardë dollarë që prej mesit të vitit të kaluar dhe qëndron në 4 trilionë dollarë.
Në krahasim me majën e arritur në vitin 2014, zotërimet janë tkurrur me rreth 1.2 trilionë dollarë, me thuajse 40%.
Në lidhje me performancën ekonomike të SHBA, Powell tha për politikanët se Produkti i Brendshëm Bruto vlerësohet të jetë rritur me më pak se 3% për 2018-ën.
Ekonomia u rrit me një ritëm të fortë vitin e kaluar dhe punësimi e inflacioni qëndron pranë objektivit të Rezervës Federale.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.