Kuponi tatimor – Tatimet sqarojnë se kush përjashtohet nga detyrimi i lëshimit  

Drejtoria e Përgjithshme e Tatimeve ka publikuar informacionin “Mbi detyrimin e tatimpaguesve për instalimin dhe përdorimin e pajisjeve fiskale në ambientet e ushtrimit të aktivitetit” në rubrikën “Tatimet Këshillojnë.”

Sipas DPT, bazuar ligjin nr.9920, datë 19.05.2008 “Për procedurat tatimore në Republikën e Shqipërisë”, i ndryshuar, në Nenin 54, pika 3, në duhet të pajisen me kasë fiskale dhe të lëshojnë kuponë tatimorë për çdo transaksion të gjithë tatimpaguesit e shitjeve me pakicë që shesin mallra dhe ofrojnë shërbime në

Tatimpaguesit të cilët kryejnë qarkullimin e mallrave dhe të shërbimeve, pagesa e të cilave nuk kryhet përmes bankës, janë të detyruar të instalojnë dhe të përdorin sistemin fiskal, përmes pajisjeve fiskale. Kjo sipas DPT-së, bëhet për regjistrimin  e pagesave me para në dorë dhe për lëshim të kuponit tatimor, në mënyrë të detyrueshme.

Ndërkohë, sipas informacionit të publikuar nga DPT nuk janë të detyruar të lëshojnë kupon tatimor:

a) tatimpaguesit, që paguajnë tatime mbi të ardhurat nga kryerja e veprimtarive për shuma të vogla të të ardhurave neto, me përjashtim të shoferëve të taksive;

b) personat, që nuk janë tregtarë dhe e realizojnë qarkullimin e produkteve bujqësore dhe të papërpunuara mbi tezga, në tregjet e organizuara, si dhe jashtë markatave;

c) individët, që lëshojnë me qira mjedise biznesi;

ç) veprimtaritë, që ushtrohen në zona të larta malore, me popullim më pak se 300 individë dhe që janë të ndryshme nga vendet turistike.

Administrata tatimore njofton gjithashtu se ndalohet përdorimi i pajisjeve fiskale dhe sistemeve të monitorimit të qarkullimit, të ndryshme nga ato të përcaktuara në ligjin nr.9920, datë 19.05.2008 “Për procedurat tatimore në Republikën e Shqipërisë”.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.