Kur do të fillojë vaksinimi në Europë? – EMA: Drita jeshile do të jepet më 29 dhjetor
“Unë nuk dua të paragjykoj punën e ekspertëve tanë të vaksinave Pfizer dhe Moderna, por mund të parashikoj që pamja paraprake e të dhënave që morëm më 1 dhjetor është pozitive në lidhje me efikasitetin dhe sigurinë.” Kjo u deklarua nga drejtoresha e EMA, Emer Cooke, në një intervistë me gazeta të ndryshme ndërkombëtare në të cilën ajo njofton: “Ne ndoshta do të flasim më 29 dhjetor për Pfizer dhe 12 janar për Moderna”.
“Ne ende duhet të kontrollojmë cilësinë e zinxhirit të prodhimit dhe aftësinë e kompanive për të përgatitur ilaçin në një shkallë të gjerë. Në këto aspekte ekspertët tanë kanë kërkuar informacion shtesë, ashtu siç kemi kërkuar më shumë detaje mbi sigurinë. Është një shkëmbim i vazhdueshëm i informacionit të cilën e kryejmë çdo ditë “, shpjegon Cooke, e cila siguron:” Në Europë procesi i autorizimit është i pavarur, ne nuk ndihemi nën presion politik.”
Presioni ndërkaq është kryesisht shkencor sepse duam të jemi të sigurt se po bëjmë më të mirën për qytetarët. “Lidhur me efektet anësore të mundshme”, me autorizimin ne do të vendosim masa të rrepta monitorimi për të gjithë popullsinë, përfshirë të moshuarit “, nënvizon Cooke.
“Prodhuesit do të duhet të na raportojnë për çdo ngjarje negative dhe çdo muaj ata do të duhet të na dërgojnë të dhëna mbi progresin e vaksinimeve. Kështu që ne do të jemi në gjendje të kuptojmë nëse ndonjë rast ka të bëjë me vaksinimin, për ato të veçanta“. Kush duhet të marrë vaksinën së pari “është një vendim që i takon autoriteteve kombëtare. Por duhet të themi menjëherë se vaksina nuk është një plumb magjik, popullata – thekson ajo – do të duhet të vazhdojë të ndjekë të gjitha kufizimet si maska, higjiena dhe distancimin sepse në fillim nuk do të ketë doza për të gjithë dhe madje edhe pas, për ca kohë që do të vijë, derisa ndikimi i vaksinës të jetë plotësisht i qartë “. (ANSA)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.