Kur duhet të merret doza e dytë? Edhe agjencia franceze propozon të shtyjë kohën, për të vaksinuar më shumë
Organi më i lartë i këshillimit mjekësor në Francë rekomandoi që të dyfishohet koha në të cilën njerëzit marrim dozën e parë dhe të dytë të vaksinave të Covid në 6 javë, nga 3 që është aktualisht, në mënyrë që të shtohet numri i të vaksinuarve. Hendeku kohor mes injeksionit të parë dhe të dytë në Francë është aktualisht 3 javë për njerëzit në azile, që kanë prioritet, dhe 5 javë tek të tjerë si punonjësit e shëndetësisë.
Haute Autorite de Sante, agjenci e pavarur e shëndetësisë, theksoi se zgjerimi i hapësirës kohore mes 2 dozave të Pfizer dhe Moderna, do të lejojë trajtimin e të paktën 700,000 personave më shumë në muajin e parë. “Rritja e infeksioneve dhe shqetësimet ndaj varianteve të reja, po kërkojnë përshpejtimin e fushatës së vaksinimit”- deklaroi agjencia.
Pavarësisht se nuk ka patur ndonjë dakordësi tek vendet mbi hendekun optimal kohor mes 2 dozave të vaksinës, agjencia theksoi se është e arsyeshme për të vonuar dozën e dytë në 6 javë, pasi doza e parë ofron mbrojtje nga 12-14 ditë pas injeksionit. Rekomandimet e kësaj agjencie mund të nxisin politika qeveritare por nuk përkthehen automatikisht në vendim. Pfizer dhe BioNTech kanë paralajmëruar se nuk ka prova që vaksina e tyre do vazhdojë të mbrojë nëse doza e dytë jepet mbi 21 ditë pas të parës.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.