Kurse me detyrim për të papunët, Ahmetaj: Brenda 1 viti rikualifikojmë me pagë 76 mijë persona
Rreth 76 mijë punëkërkues të papunë të regjistruar do t’i nënshtrohen me detyrim rikualifikimit në kurse profesionale.
Lajmi është bërë me dije nga Ministri i Financave dhe Ekonomisë, Arben Ahmetaj, sipas të cilit gjatë periudhës së ndjekjes së kurseve kjo kategori do të paguhet.
Ndërkaq, UNDP ka hapur aplikimet për fazën e tretë të programit të vetëpunësimit, ku çdo i ri me një ide dhe plan biznesi mund të aplikojë deri në 30 Shtator pranë zyrës së punësimit Tiranë dhe do të përfitojë financim të biznesit të tij.
Por ndërsa të papunët po orientohen drejt kurseve profesionale, përmes të dhënave zyrtare, vetë Shërbimi Kombëtar i Punësimit, bën me dije se nëse pjesëmarrja në kurset e formimit është e kënaqshme, punësimi pas certifikimit, vazhdon të mbetet një problem serioz pasi, vetëm 4.9 % e punëkërkuesve të papunë të trajnuar gjatë 2017-ës në kurset e profesioneve, kanë arritur të punësohen, apo e shprehur në raport, 1 në 20.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.