Kursi i këmbimit – Euro blihet me 133.40 lekë, me tendenca në rënie. Forcohet dollari amerikan

Euro blihet me 133.40 lekë dhe shitet me 134.00 lekë, me tendenca në rënie. Duket se euro pas dy javësh qëndrueshmëri, në nivele mesatare 133.70 lekë ka filluar lehtësisht rënie. Parashikojmë një euro të dobët në nivelet 133.20 lekë.

Dollari amerikan sot blihet me 113 lekë, dhe shitet me 113.80 lekë. Dollari amerikan është forcuar krahasuar me ditën e premte me 0.5 %. Tendencat e dollarit amerikan do të jenë në rritje, drejt në nivelit e 114 lekë.

Paundi britanik në këto momente në vlera të larta blihet me 150.20 lekë, ndërsa shitet me 151 lekë. Tendencat edhe të paundit britanik do të vazhdojnë lehtësisht në rritje.

Dollari australian tashëm ka filluar forcimin, është rritur me plus 1.5 për qind krahasuar me javën e kaluar. Sot blihet 89 lekë dhe shitet me 90 lekë.

Dollari australian ishte një nga monedhat që qëndronte i nënvlerësuar gjatë dy muajve të fundit. Edhe dollari kanadez sot blihet me 90.50 lekë dhe shitet me 91.50 lekë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.