Kursi i këmbimit, luhatje minimale për Paundin britanik – Euro fiksohet në 125 lekë

Tregu vendas i këmbimit valutor ditën e hënë ka regjistruar disa luhatje minimale në kurset e monedhave kryesore. Nga të dhënat zyrtare të “Credins Bank”, paundi britanik është rritur minimalisht me 0.1 pikë kundrejt monedhës vendase, lekut. Sterlina këmbehet sot për 145.3 lekë në blerje dhe 146 lekë në shitje.

Valuta vijon të jetë ende nën presionin e Brexit, marrëveshje e cila u hodh poshtë për herë të tretë nga parlamenti britanik, duke e bërë akoma më të paqartë divorcin Britani-BE.

Ndërkohë, monedha e eurozonës nga an tjetër nuk ka regjistruar luhatje ditën e sotme dhe vijon të mbetet në nivelin e 125 lekëve.

Kurse, dollari amerikan është dobësuar minimalisht me 0.1 pikë kundrejt lekut, për të zbritur të hënën në nivelin e 11.3 lekëve në blerje dhe 112 lekëve në shitje.

Më pozitive paraqitet situata për dollarin kanadez dhe atë australian, pasi monedhat kanë zhvlerësuar lekun respektivisht për 0.5 dhe 0.4 njësi për lekë. Të njëjtin trend rritës ka ndjekur edhe franga zvicerane, e cila ka rifituar të hënë 0.2 pikë dhe këmbehet në pikat e këmbimit valutor për 11.7 lekë në blerje dhe 112.5 lekë në shitje.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.