Kursi i këmbimit/ Paundi britanik në ‘rënie të lirë’ ndërsa forcohet ndjeshëm Dollari amerikan

Kjo e martë ka shënuar një rënie të lehtë për monedhën europiane e cila është blerë këtë mëngjes me 123.7 lekë dhe është shitur me 124.2 lekë.

Sipas kursit të këmbimit lokal Paundi britanik ka vijuar edhe sot të humbasë sërish pikë nga dita e djeshme teksa blihet me 134.2 lekë dhe shitet me 135.5 lekë, duke zbritur kështu me 0.4 pikë.

Dollari amerikan ndërkaq është forcuar në raport me një ditë me parë me 0.7 pikë duke u shitur këtë mëngjes me 105.2 lekë dhe duke u blerë me 105.9 lekë, referuar tregut valutor vendas.

Franga zvicerane ka fituar pikë gjithashtu këtë të martë pasi me një rritje prej 0.2 pikë nga dita e djeshme është blerë sot me 114.4 lekë dhe është shitur me 115.2 lekë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.