Kursi i këmbimit/ Sërish vlera pozitive për Dollarin amerikan ndërsa Paundi vijon rënien

Kjo e enjte karakterizohet nga një monedhë europiane e qëndrueshme e cila vijon edhe sot të ruaj po të njëjtat vlera sikurse përgjatë tërë kësaj jave teksa vazhdon të blihet këtë mëngjes me 123.3 lekë dhe të shitet me 123.9 lekë.

Ndërkaq edhe Paundi britanik po ndjek të njëjtën kurbë zbritëse sikurse edhe dy ditët paraardhëse duke vazhduar të humbasë pikë këtë të enjte teksa është blerë sot me 139.2 lekë dhe është shitur me 140 lekë.

Sipas kursit të këmbimit lokal, Dollari amerikan nuk ka ndaluar së fituari pikë edhe mëngjesin e sotëm duke u rritur me 0.2 pikë nga dita e djeshme për t’u blerë sot me 102.5 lekë dhe për t’u shitur me 103.4 lekë.

Franga zvicerane gjithashtu shfaqet në vlera pozitive këtë të enjte duke u blerë me 113.7 lekë dhe duke u shitur me 114.5 lekë në raport me ditën e mërkurë referuar tregut valutor vendas.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.