Kursi i këmbimit/ Vazhdon të dobësohet Paundi britanik ndërsa rimëkëmbet Dollari amerikan

Monedha europiane vazhdon edhe këtë të martë të shfaqet e qëndrueshme duke u blerë edhe sot me 123.9 lekë dhe duke u shitur me 124.5 lekë sikurse edhe një ditë më parë.

Paundi britanik ndërkaq vazhdon të humbasë pikë nga dita e hënë me një rënie prej 0.6 pikë duke u blerë sot me 134.9 lekë dhe duke u shitur me 136.3 lekë, sipas kursit të këmbimit lokal.

Dollari amerikan është rimëkëmbur disi nga dita e djeshme duke rikuperuar me 0.4 pikë pasi blihet sot me 110.4 lekë dhe shitet me 111.1 lekë, referuar të dhënave të tregut valutor vendas.

Franga zvicerane është dobësuar ditën e sotme në raport me një ditë më parë duke humbur 0.4 pikë teksa blihet sot me 115.2 lekë dhe shitet me 116.2 lekë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.