Kursi i këmbimit/ Zhvlerësohet monedha vendase – Paundi dhe Dollari fitojnë pikë gjatë fundjavës

Kjo javë ka nisur pozitivisht për valutat e huaja të cilat kanë regjistruar të gjitha një rritje të ndjeshme kundrejt monedhës vendase. Euro është forcuar këtë të hënë pasi blihet me 123 lekë dhe shitet me 123.9 lekë.

Ndërkaq Paundi britanik po rimëkëmbet edhe këtë javë duke fituar 1 pikë krahasuar me javën e kaluar duke u blerë me 132 lekë dhe shitur me 137 lekë.

Sipas tregut valutor vendas, Dollari amerikan ka fituar mbi një pikë këtë javë në raport me periudhën e 16-20 marsit, teksa është blerë sot me 114 lekë dhe është shitur me 115.9 lekë.

Franga zvicerane gjithashtu ka shënuar rritje ditën e sot me duke u blerë me 115.5 lekë dhe shitur me 116.7 lekë referuar tregut valutor lokal.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.