Kursi i këmbimit/ Zhvlerësohet ndjeshëm monedha vendase. Paundi fiton 3 pikë ndërsa Euro forcohet me mbi 1 pikë brenda natës.
Kjo e Premte ka regjistruar një rritje të përgjithshme të valutave të huaja kundrejt monedhës vendase e cila është zhvlerësuar ndjeshëm këtë fund jave. Monedha europiane ka fituar 1.5 pikë ditën e sotme në raport me dje duke u blerë me 125.6 lekë dhe shitur me 127.4 lekë.
Sipas tregut valutor vendas Dollari amerikan vazhdon të forcohet duke fituar sërish pikë ditën e sotme në raport me dje pasi blihet me 113.8 lekë dhe shitet me 116 lekë.
Paundi britanik gjithashtu ka shënuar rritje prej 3 pikësh krahasuar me një ditë më parë duke u blerë me 137 lekë dhe shitur me 142 lekë, duke e mbyllur javën në vlera shumë pozitive sipas kursit të këmbimit lokal.
Franga zvicerane është rritur ndjeshëm edhe këtë të premte me gati 1 pikë, duke u blerë me 116.5 lekë dhe shitur me 118.5 lekë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.