Kurti: “Do të votoja pro bashkimit me Shqipërinë nëse do të mbahej një referendum”
Kreu i opozitës dhe fituesi i zgjedhjeve të Kosovës Albin Kurti thotë se nëse do të mbahej një referendum mbi bashkimin e vendit të tij me Shqipërinë, ai do të votojë po.
Komentet e tij erdhën në një intervistë për Euronews vetëm pak ditë pasi partia e tij Vetëvendosje fitoi pjesën më të madhe të votave në Kosovë, duke i hapur rrugën Kurtit për të formuar një qeveri.
Mbi 90% e 1.8 milion njerëzve të Kosovës janë shqiptarë etnikë dhe perspektiva e një bashkimi midis dy kombeve është e popullarizuar si në Kosovë ashtu edhe në Shqipëri.
Vetëvendosje ka dyfishuar rezultatin e saj të vitit të kaluar, me më shumë se 50% të votuesve kosovarë që zgjodhën partinë pavarësisht se Kurti u ndalua të kandidojë nga Gjykata Kushtetuese e vendit.
Zgjedhjet e 14 shkurtit ndëshkuan të dy partitë që kanë dominuar Kosovën që nga përfundimi i luftës kundër forcave serbe në 1999, Lidhja Demokratike e Kosovës (LDK) dhe Partia Demokratike e Kosovës (PDK), të cilat fituan përkatësisht vetëm 13% dhe 17% të votës.
Rezultati e ka bindur Kurtin se përkundër ngjarjeve të vitit të kaluar, Vetëvendosje mund të përballojë stuhitë politike të javës së ardhshme dhe të bëjë premtimin e saj për të luftuar korrupsionin e shfrenuar të kombit dhe për të rivendosur ekonominë.
Një aktivist student që u burgos gjatë viteve 1990 për punën e tij me Ushtrinë Çlirimtare të Kosovës (UÇK), Kurti doli në titujt ndërkombëtarë në 2015 kur lëshoi gaz lotsjellës në parlamentin kosovar në protestë kundër një marrëveshje për shënimin e kufirit me Malin e Zi fqinjë.
Në vitet që nga ajo kohë, Vetëvendosje është rritur nga një lëvizje sociale në një forcë politike në Kosovë, duke tërhequr vota nga të rinjtë kosovarë si dhe në diasporën e gjerë kosovare.
Dosti Banushi – SCAN
Burimi: Euronews
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.