Kush është Avokati i ri i Përgjithshëm i Shtetit ? – Emërohen gjithashtu tre anëtarët e Komisionit Kombëtar të Përzgjedhjes për TND-në

Nëpërmjet një vendimi të këshillit të ministrave të publikuar në faqen zyrtare të kryeministrisë është bërë me dije se: Në mbështetje të nenit 100 të Kushtetutës dhe të neneve 21, pika 1, 26, pika 5, shkronja “a”, të ligjit nr.10018, datë 13.11.2008, “Për Avokaturën e Shtetit”, të ndryshuar dhe me propozimin e Kryeministrit, Këshilli i Ministrave ka vendosur:

Znj. Brunilda Lilo, Avokat i Përgjithshëm i Shtetit, lirohet nga kjo detyrë.

Odise Moçka emërohet Avokat i Përgjithshëm i Shtetit.

Ky vendim hyn në fuqi menjëherë.

Këshilli i Ministrave gjithashtu në mbledhje vendosi emërimin e tre anëtarëve të Komisionit Kombëtar të Përzgjedhjes për TND-në.

Në këtë post u emëruan Erind Mërkuri për një mandat 5-vjeçar; Valbona Treska për një mandat 5-vjeçar; Erald Pashaj për një mandat 5-vjeçar.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.