Kush është gruaja, e cila pasi kaloi 35 vite në burg, padrejtësisht, merr 3 milion dollarë dëmshpërblim?!
Një grua, e cila ka kaluar 35 vjet në burg për një vrasje në Nevada, të cilën nuk e kishte kryer, ka marrë si dëmshpërblim plot tre milion dollarë. 68 vjeçarja, Cathy Woods, do të vazhdojë të kërkojë dëmshpërblime nga shteti si dhe nga ish-detektivët, të cilët ajo i akuzon se e kanë detyruar të bëjë një rrëfim të rremë, gjatë kohës që ajo ka qenë paciente në një spital mendor në Luiziana në vitet 1979.
Woods, është liruar nga burgu në vitin 2015 kur provat e reja, e lidhnin vrasjen e vitit 1976 të një studenti, me një të burgosur, Rodney Halbower, i cili që nga ajo kohë është dënuar për dy vrasje të Zonës së San Franciskos që ndodhën gjatë së njëjtës periudhë.
Woods, e cili tani jeton me të afërmit në Uashington, është gruaja e burgosur më gjatë, duke qenë e pafajshme, në historinë e SHBA.
“Megjithëse asnjë sasi parash nuk do të kompensojë Znj.Woods për atë që asaj i duhej të duronte, të paktën në njëfarë mënyre, dëmshpërblimi që ajo mori do të jetë në funksion të sigurimit të të jetës së saj ” – është shprehur avokatja e saj, Elizabeth Wang.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.