Kush është kandidatura që ka marrë firmat e 28 deputetëve për postin e Komisionerit për Mbrojtjen Kundër Diskriminimit
Robert Gajda është kandidatura e propozuar nga 28 deputetë të mazhorancës për postin e Komisionerit për Mbrojtjen kundër Diskriminimit. Gajda është pjesë e listës së kandidatëve që kanë aplikuar për këtë post dhe që kanë zhvilluar më herët seanca dëgjimore në Kuvend. Ai ka lindur në Elbasan në vitin 1983, është lektor i së drejtës publike dhe kushtetuese në Universitetin e Elbasanit dhe është Doktor i Shkencave në Drejtësisë Kushtetuese dhe të Drejtat e Njeriut (Universiteti i Pisës).
Gara për zgjedhjen e komisionerit është përballur me vonesa të shumta. Në fund të muajit janar të këtij viti Kuvendi ka zhvilluar një dëgjesë publike me kandidatët që kanë shprehur interesin për të kandiduar për vendin vakant për Komisioner për Mbrojtjen nga Diskriminimi.
Nga 16 kandidatët që patën shprehur interes vetëm 14 prej tyre morën pjesë në seancë.
Pas është kryer seanca dëgjimore në Komisionin e Ligjeve, tashmë ka mbetur vetëm votimi nga Kuvendi.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.