Kush është kryetarja e re e Këshillit të Statistikave
Qeveria ka miratuar vendimin për emërimin e kryetares së re të Këshillit të Statistikave.
Referuar vendimit të qeverisë të datës 20 dhjetor, Kozeta Sevrani do të jetë edhe drejtuesja e re e këtij institucioni.
Prof. Dr. Kozeta Sevrani është pedagoge e Informatikës dhe e Sistemeve të Informacionit të Menaxhimit.
Aktualisht është Përgjegjëse e Departamentit të Statistikës dhe Informatikës së Zbatuar në Fakultetin e Ekonomisë, Universiteti i Tiranës.
Këshilli i Statistikave përbëhet nga shtatë anëtarë, ku Sevrani ishte edhe një prej tyre.
Por, me vendimin e sotëm, ajo ka marrë tashmë një tjetër pozicion, atë të kryetares së organit më të lartë i ngarkuar për mbikëqyrjen dhe mbështetjen e INSTAT.
G.D./SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.