Kush është shefi i ri i Sigurisë Kombëtare në SHBA?
Presidenti amerikan Donald Trump njoftoi përmes një mesazhi në Twitter të Mërkurën se kishte zgjedhur Robert C. O’Brien si drejtor të ri të Sigurisë Kombëtare.
I am pleased to announce that I will name Robert C. O’Brien, currently serving as the very successful Special Presidential Envoy for Hostage Affairs at the State Department, as our new National Security Advisor. I have worked long & hard with Robert. He will do a great job!
— Donald J. Trump (@realDonaldTrump) September 18, 2019
O’Brien do të zëvendësojë skifterin neo-konservator John Bolton, i cili u pushua nga puna në fillim të këtij muaji, pas mosmarrëveshjeve me Trump në lidhje me trajtimin e tij të ngjarjeve në Venezuelë dhe në Korenë e Veriut.
O’Brien është një avokat nga Los Angeles i cili aktualisht shërben si i dërguari i posaçëm presidencial për Çështjen e Pengjeve në Departamentin e Shtetit. Ai më parë ka punuar si këshilltar për politikën e jashtme për disa fushata presidenciale republikane dhe ka punuar në role të tjera për Departamentin e Shtetit të SHBA.
Më parë në karrierën e tij, O’Brien ka punuar për një komision të Këshillit të Sigurimit të Kombeve të Bashkuara i cili vendosi pretendime kundër Irakut që lindën nga Lufta e Gjirit, si dhe ka qenë gjithashtu major në Rezervën e Ushtrisë amerikane.
Ai ka shkruar edhe një libër mbi politikën e jashtme në vitin 2016 që u citua si një udhëzues për qëllimet e mundshme të politikës së jashtme të administratës Trump.
E.S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.