Kush është Vitore Tusha, kandidatja për Kryetare e KLSH-së?
Presidenti i Shqipërisë, Ilir Meta, ka përzgjedhur Vitore Tushën si kandidaturë për pozicionin e kryetares së Kontrollit të Lartë të Shtetit. Përzgjedhja ka ardhur pas shqyrtimit të të gjitha kandidaturave që kanë shprehur interesin në përfundim të procesit vlerësues.
“Presidenti pas realizimit të një procesi transparent dhe objektiv, ka arritur në konkluzionin se, Doktore e Shkencave Juridike znj. Vitore Tusha plotëson kushtet dhe kriteret ligjore, si dhe është kandidatura më e përshtatshme për t’u zgjedhur në këtë pozicion kushtetues, bazuar në eksperiencën solide dhe kontributin e pandërprerë të znj. Tusha, në fushën e jurisprudencës, si në sistemin gjyqësor, ashtu dhe referuar angazhimeve të saj akademike si pedagoge në institucionet e arsimit të lartë në fushën e së drejtës, trajnuese dhe pedagoge në Shkollën e Magjistraturës, apo edhe si eksperte në fushën e së drejtës kushtetuese e më gjerë”, thuhet në njoftimin e Presidencës.
Po kush është Vitore Tusha?
Të dhënat personale:
Datëlindja: 26.11.1960
Vendlindja: Tiranë
Edukimi dhe grada shekencore:
1997 “Doktor” i Shkencave në Drejtësi, Fakulteti i Drejtësisë, Universiteti i Tiranës
1979-1983 Dega Drejtësi, Fakulteti i Shkencave Politiko-Juridike, Universiteti i Tiranës
1975-1979 Shkolla e mesme e përgjithshme “Bardhok Biba”, Rrëshen Mirditë
Eksperienca pune:
2008 – në vazhdim Gjykata Kushtetuese, – Gjyqtare
2004 – 2008 Dhoma e Avokatisë Tiranë, – Avokate
1994 – 2001 Gjykata e Kasacionit, – Gjyqtare
1992 – 1994 Gjykata e Rrethit Tiranë, – Gjyqtare
1990 – 1992 Dhoma e Avokatisë Tiranë, – Avokate
1983 – 1990 Gjykata e Rrethit Tiranë, – Përmbaruese Gjyqësore
SCAN
Kryetar i KLSH – Presidenca publikon listën e 34 kandidatëve
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.