Kush po e vjel taksën e pronës? – Bashkitë në “aksion” para zgjedhjeve, 1.5 mld lekë për Prillin
Në 4 muajt e parë të vitit, pushteti vendor ka rezultuar me performancë pozitive në vjeljen e taksave dhe tarifave, duke mbledhur 2.6 miliardë lekë më shumë se e njëjta periudhë e një vitit më parë.
Por ndërsa tre muajt e parë kanë qenë të vakët, ajo që bie në sy është se në Prill, diferencën e ka dhënë taksa e pasurisë, ku bashkitë kanë arkëtuar 1.5 miliardë lekë, ndërsa në total janë mbledhur 2.3 miliardë lekë në 4 muaj. Referuar treguesve zyrtarë fiskalë, krahasuar me vitin 2018 , rezulton se ka një kapërcim me 1 miliardë lekë.
Por kush po e vjel taksën e pronës? Aktualisht janë vetëm gjysma e bashkive që po aplikojnë metodologjinë e re, çka do të thotë se kjo tarifë po rëndon më së shumti mbi ata qytetarë të cilët i ka “kapur” lapsi.
Ndërkohë që rritja e të ardhurave me 1,5 miliardë lekë vetëm 2 muaj para zgjedhjeve lokale, mund të jetë tregues edhe për presionin që po bën administrata lokale për të siguruar financimet e fushatës.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.