“Kutitë postare të dorëzohen në adresë” – AKEP, urdhër Postës, Rrapaj: Jo më tërheqje nëpër sportele
Posta Shqiptare duhet t’i dorëzojë nëpër adresat personale pakot postare, pa i detyruar qytetarët t’i tërheqin ato pranë filialeve të saj.”
Ky është urdhri më i fundit i Autoritetit të Komunikimeve Elektronike e Postare, i cili ka konstatuara se deri më tani qytetarëve i janë shkaktuar kosto shtesë, si pasojë e mos përmbushjes së këtij detyrimi nga ana e postës.
Në një prononcim të dhënë për TV SCAN, drejtori i të Drejtave të Përdoruesve, thotë se ky detyrim duhet të realizohet brenda 3-muajsh.
“Posta Shqiptare aktualisht aplikon një tarifë ekstra 50 lekë për çdo pako për njoftimin që I dërgon përdoruesve apo konsumatorëve për të tërhequr pakot e tyre në zyrat e tij postare. Kjo është praktikë e papranueshme e Postës Shqiptare dhe ajo duhet të marrë masa brenda 3 muajve për të adresuar këtë problem.” – tha Rrapaj.
Sipas Rrapajt, ekziston një ngërç në lidhje me adresat e sakta, por sipas tij kjo çështje pritet të adresohet.
“Është një problem I evidentuar problemi I saktësisë së adresave të qytetarëve por AKEP së bashku me Postën Shqiptare dhe institucioneve të tjera do mundohet të adresojë edhe problemin e saktësisë së adresave” – tha ai.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.