Kuvend, seanca plenare sot në orën 11:00 – Rendi i ditës, pritet votimi i disa vendimeve të rëndësishme

Publikohet rendi i ditës i seancës plenare sot në Parlament.

Konkretisht, bazuar në urdhrin nr. 2, datë 13.9.2017 të Kryetarit të Kuvendit, Ruçi rendi i ditës përveç njoftimeve të bazuara në nenet 7, 13, 14, 44, pika 3 e Rregullores,  do të ketë në përmbajte edhe për zgjedhjen e zëvendëskryetarëve, Byrosë dhe përbërjen e Sekretariateve të Kuvendit, projektvendim për zgjedhjen e kryesive të komisioneve të përhershme të Kuvendit, si dhe projektvendim për shqyrtimin me procedurë të përshpejtuar të projektvendimit “Për një ndryshim në vendimin e Kuvendit nr. 166, datë 16.12.2004 “Për miratimin e Rregullores së Kuvendit të Republikës së Shqipërisë”, të ndryshuar.

Seanca pritet të nis në orën 11:00.

“Bazuar në urdhrin nr. 2, datë 13.9.2017 të Kryetarit të Kuvendit, z. Gramoz Ruçi, rendi i ditës është si më poshtë vijon:

1. Njoftime (Nenet 7, 13, 14, 44, pika 3 e Rregullores)
2. Projektvendim “Për zgjedhjen e zëvendëskryetarëve, Byrosë dhe përbërjen e Sekretariateve të Kuvendit” (Nenet 8, 9, 10 dhe 10/1 Rregullore, votim me shumicë të thjeshtë)
3. Projektvendim “Për zgjedhjen e kryesive të komisioneve të përhershme të Kuvendit” (Nenet 21, 22 Rregullore, votim me shumicë të thjeshtë)
4. Projektvendim për shqyrtimin me procedurë të përshpejtuar të projektvendimit “Për një ndryshim në vendimin e Kuvendit nr. 166, datë 16.12.2004 “Për miratimin e Rregullores së Kuvendit të Republikës së Shqipërisë”, të ndryshuar (Neni 28 i Rregullores, votim me shumicë të thjeshtë)”, thuhet në rendin e ditës”, thuhet në rendin e ditës.

os.de/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.