Ky vend europian do të paguajë të rinjtë për të qëndruar në vendin e tyre

Të jesh i ri dhe polak nuk ka qenë kurrë kaq fitimprurëse. Një ligj i ri që hyn në fuqi në Poloni këtë javë do të heqë taksën mbi të ardhurat për afro 2 milion punëtorë të rinj.

Kjo është një përpjekje e qeverisë për të ndaluar rrjedhjen dramatike të trurit që ka përjetuar Polonia që kur u bashkua me Bashkimin Evropian 15 vjet më parë.

Kryeministri Mateusz Morawiecki tha se përjashtimi nga taksat do të sjellë mundësi të reja për të rinjtë në mënyrë që ata të ndihen në kushte të barabarta me bashkëmoshatarët në vendet e tjera.

Polakët nën moshën 26 vjeç të cilët fitojnë më pak se 85.528 zloty polak (22.547 dollarë) në vit do të lirohen nga taksat mbi të ardhurat prej 18% të vendit duke filluar nga 1 gushti. Politika është bujare, duke marrë parasysh se paga mesatare polake është pak më pak se 60,000 zloty (15,700 $) në vit.

Burimi: CNN

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.