Laborator shkencor në qendër të qytetit më të madh amerikan – Do të studiojë ndryshimet klimatike!
Central Park, mushkëria e gjelbër prej 843 hektarësh e qytetit të Nju Jorkut e krijuar në 1858, është shndërruar në një laborator të ndryshimeve klimatike. Studiuesit shpresojnë se ideja do të ndihmojë parqet në mbarë vendin të bëhen më elastike.
Ekipi i Central Park Climate Lab dëshiron të përdorë të dhëna nga satelitët dhe në terren për të studiuar modelet sezonale dhe se si jeta bimore dhe shtazore reagon ndaj ndryshimit të motit.
Laboratori u lançua me dy organizata jofitimprurëse me bazë në Nju Jork, Central Park Conservancy dhe Natural Areas Conservancy, në fillim të këtij viti.
Gjatë dekadës së fundit, Central Park ka qenë subjekt i shumë ngjarjeve ekstreme të motit, duke përfshirë shiun e dendur, stuhitë, erërat e forta dhe nxehtësinë dhe të ftohtin ekstrem.
Duke qëndruar pranë një peme të shkulur, Peter Haupt, menaxher i kujdesit të pemëve për Central Park Conservancy, thotë se projekti po instalon mjete për të matur rritjen e pemëve.
Qëllimi është që “përfundimisht të arrijmë në pikën ku mund të nxjerrim disa përfundime se si ndryshimet klimatike po ndikojnë në park”, shton Haupt, i cili ka punuar në park për gati 13 vjet. RTS
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.