Lajm i mirë nga Spitali Infektiv në Tiranë! Shërohen dy pacientë që ishin prekur nga COVID-19! Por kujdes
Analiza e dytë për kontaktin e parë të pacientit zero me koronavirus ka rezultuar negative, duke konfirmuar në këtë mënyrë shërimin e tij.
Lajmi u bë i ditur nga kryeministri Edi Rama në një postim në faqen zyrtare të tij në rrjetin social “Facebook”.
“Testi i dytë konfirmon negativ kontaktin e parë të pacientit zero. Del negativ edhe një pacient tjetër.Mirënjohje me përunjësi mjekëve të Spitalit Infektiv” shkruan kryeministri.
Ndërkohë, ministrja Ogerta Manastirliu në një postim njofton se numri i personave të shëruar është 2.
“Lajm i mire! Dy pacientë të hospitalizuar do të bëhen gati të lënë Spitalin Infektiv, pas testit konfirmues që përfundoi pak minuta më pare.
Dy pacientët, kontakte të pacientit 0 që u identifikua me koronavirusin e ri në Shqipëri rezultuan negativ edhe në testin e dytë pas trajtimit. Bravo ekipit të spitalit infektiv. Por JU LUTEM KUJDES‼
Të prekurit po shtohen, spitali infektiv ka sot katër pacientë në terapi intensive dhe numri i të shtruarve po rritet dita-ditës. JU LUTEM QËNDRONI NË SHTËPI! Nëse keni shenja të sëmundjes vetëm 127” njofton Manastirliu.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.