Lajm i mirë për të gjithë ata që punojnë për ‘Amazon’- Bezos rrit sërish pagat minimale!

Shefi Ekzekutiv i Amazon, Jeff Bezos ka sfiduar rivalët e tij, duke rritur pagat minimale të punonjësve, në 16 dollarë për orë.

“Sot sfidoj konkurrentët tanë më të lartë të shitjes me pakicë, që të përputhen me përfitimet tona të punonjësve dhe pagën minimale prej 15 dollarësh’’ – është shprehur sipërmarrësi miliarder në një letër për aksionerët.

Gjiganti online i shitjes me pakicë ngriti pagën minimale në 15 dollarë për orë, për punonjësit e SHBA-së duke filluar nga nëntori, i vitit të kaluar, dhe projekti i rradhës synon sërish një rritje page. Rritja e këtyre pagave në Amazon erdhi në një kohë kur papunësia e SHBA ishte në një nivel thuajse të njëjtë prej dy dekadash.

Bezos, tha në letrën e tij, se nga kjo rritje e pagave kanë përfituar më shumë se 250,000 punonjës të Amazon dhe mbi 100,000 punonjës sezonalë që punuan gjatë sezonit të fundit të festave për Amazon, në Shtetet e Bashkuara.

Elefteria Zguri/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.