Lajm i mirë, shërohet mjeku pensionist që iu bashkua thirrjes për të luftuar COVID – 19
Kryeminstri Rama ka ndarë nëpërmjet një njoftimi zyrtar lajmin e mirë të shërimit të mjekut Dhimitër Kraja.
“ Sapo ka dalë i shëruar prof. Dhimitër Kraja, i cili si pensionist iu përgjigj i pari apelit për t’u angazhuar në vijën e zjarrit, ku u plagos nga armiku” shkruan Rama në profilin e tij zyrtar në Facebook.
Si pjesë e emergjencës për të përballuar shpërthimin e pandemisë së COVID – 19, Ministria e Shëndetësisë u bëri thirrje të gjithë profesionistëve të mjekësisë, studentë apo pensionistë, të bashkohen për t’u bërë pjesë e kapaciteteve njerëzore në spitale.
Një nga mjekët që ju bashkua kësaj thirrje ishte dhe Dhimitër Kraja, një mjek infeksionist i njohur gjerësisht në vend. Ndërkohë, gjatë përditësimit të sotshëm të Ministrisë së Shëndetësisë, në 10 rastet e reja të shëruara në 24 orët e fundit, 3 prej tyre janë staf mjekësor.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.