Lajme të mira nga Italia: Bie për herë të parë numri i rasteve aktive me Covid-19
Numri i rasteve aktive të koronavirusit në Itali ra për herë të parë të hënën, dy muaj pasi filloi beteja e vendit kundër virusit.
Angelo Borelli, kreu i shërbimit të mbrojtjes civile, u tha gazetarëve se kishte 108.237 raste aktive të virusit, nga 108,257 një ditë më parë, sipas AFP.
“Për herë të parë, kemi parë një zhvillim të ri pozitiv,” tha Borelli.
Në kulmin e pandemisë, 919 njerëz në Itali u raportuan të vdekur nga virusi në një ditë të vetme. Të martën ai numër u përgjysmua, në 454. Të martën, numri i raportuar prej 2,256 rastesh të reja të virusit sugjeroi gjithashtu një ngadalësim të përhapjes së tij. Është numri më i ulët i infeksioneve të reja që nga 10 marsi – dita kur Italia kaloi në bllokim mbarëkombëtar.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.