Lajme të mira nga Spanja – Bie për të tretën ditë radhazi numri i të infektuarve

Numri i rasteve të reja të koronavirusit të regjistruar në Spanjë ka rënë për ditën e tretë me radhë, duke sugjeruar që masat e rrepta të distancimit shoqëror kanë filluar të tregojnë efektet e tyre.

Të dielën, Ministria Spanjolle e Shëndetësisë tha se 6.023 njerëz të tjerë ishin testuar pozitivë për COVID-19.

Ky është një numër më i ulët se ai i regjistruar të shtunën, kur u njoftuan 7,026 infeksione të reja, dhe të premten, e cila kishte 7.472 raste të reja.

Numri i vdekjeve ka rënë gjithashtu për ditën e dytë radhazi – me 674 të njoftuar të dielën, në krahasim me 809 të shpallur një ditë më parë.

Ky lajm i mirë vjen një ditë pasi Kryeministri Spanjoll Pedro Sanchez u tha qytetarëve se vendi ishte më në fund “në gjendje të përkul kurbën e infektimit”.

Në një konferencë për shtyp, ai njoftoi një shtrirje në tre javët e ardhshme të karantinimit – deri në 25 prill.

D.B – SCAN

Burimi: Euronews

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.