Lamallari në takim me Komitetin e Ministrave të Brendshëm të Evropës Juglindore – Diskutohet për forcimin e bashkëpunimit policor
Në një njoftim të publikuar nga MB u bë me dije se është mbajtur Komiteti i Ministrave të Brendshëm të Evropës Juglindore, me pjesëmarrjen e të ftuarës së nderit Ministres së Brendshme të Italisë, Luciana Lamorgese dhe fjalën përshëndetëse të Komisionerit për Zgjerimin dhe Fqinjësinë e Mirë, Olivér Várhelyi. I pranishëm në takim ka qenë edhe zv ministri i Brendshëm i vendi tonë Besfort Lamallari.
Diskutimet e zhvilluara në takimin e mbajtur kishin të bënin me forcimin e mëtejshëm të bashkëpunimit policor në rajon, luftën kundër kontrabandës së migrantëve dhe përballjen me migracionin e parregullt, sfidat e terrorizmit dhe ekstremizmit të dhunshëm si dhe mundësitë aktuale për mbështetjen teknike, logjistike dhe financiare të autoriteteve policore të shteteve anëtare, thuhej në njoftim.
Krahas prezantimit të punës dhe arritjeve të Ministria e Brendshme dhe Policia e Shtetit, propozoi drejtime strategjike dhe objektiva konkrete për forcimin e bashkëpunimit rajonal si dhe me Europol, Frontex, the European Border and Coast Guard Agency dhe agjencitë e tjera të BE për më shumë siguri.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.