Largimi i mjekëve – Ministri gjerman: BE mund të ketë nevojë për rregulla të reja për t’i ndaluar

Bashkimi Europian duhet të shqyrtojë rregullat për të ndalur shtetet anëtare të marrin mjekët dhe profesionistët e njëri-tjetrit. Paralajmërimi ka ardhur nga ministri gjerman i Shëndetësisë, Jens Spahn.

Ai e ka përshkruan këtë si një ‘efekt goditës’ të vendeve që tërheqin mjekë nga vendet fqinje, siç është rasti i Zvicrës, e cila po merr mjekët nga Gjermania.

“Kjo nuk mund të jetë e drejtë. Prandaj duhet të mendojmë nëse duhet të krijojmë rregulla të reja për joshjen e njerëzve me profesione të caktuara brenda BE-së dhe pa e vënë në pikëpyetje thelbësisht lirinë e lëvizjes brenda Europës “, tha ai për Blick am Sonntag.

Spahn shtoi se aktualisht kishte marrëveshje të tilla brenda Organizatës Botërore të Shëndetësisë që mund të shërbenin si një model, por ai nuk shpjegoi se çfarë ishin ato apo se si mund të zbatoheshin në BE.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.