Legalizimet, 94 mijë objekte rrezikojnë përjashtimin – Lame: Nuk mund të kompensohen pronarët, shteti nuk ka më toka në dispozicion
Rreth 210 mijë legalizime janë kryer gjatë viteve të fundit, që do të thotë se procesi është mbyllur për pjesën dërrmuese të ndërtimeve pa leje në gjithë territorin. Gjatë një takimi me gazetarët, kreu i Kadastrës Artan Lame tha se rreth 94 mijë objekte rrezikohen të mos kualifikohen për t’u legalizuar, duke shpjeguar se legjislacioni aktual siguron që pronarët të kompensohen për vlerën e objektit.
I pyetur nga Scan Televizion mbi fatin e procesit të kompensimit të pronarëve Lame tha se procesi është I parealizueshëm, pasi tokat janë shpërndare në vite dhe se shteti nuk ka sipërfaqe në dispozicion për t’ua shpërndarë pronarëve.
Prioritet i kadastrës për katër vitet e ardhshme, sipas Lames do te jenë Regjistrimi i tokës në fshat, Përmirësimin e shërbimin online, Procesi i regjistrimit te pasurive si dhe Regjistrimi i pronës shtetërore.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.