Legalizimet në Kamëz, Rama: Kemi legalizuar mbi 5000 ndërtesa pjesa më e madhe shtëpi

Kryeministri Edi Rama ka vijuar fushatën e tij elektorale në Kamëz.

Rama ju ka kujtuar banorëve të zonës se që nga viti 2013 qeveria e tij ka legalizuar mbi 5000 ndërtesa ku pjesa më e madhe kanë qenë shtëpi. Të gjitha këto legalizime janë bërë falas.

“Në Kamëz, aty ku shembulli më kuptimplotë i dallimit mes modelit tonë të qeverisjes dhe modelit të PD, është arsyeja për tu bashkuar më shumë se kurrë për Kamzën që duam dhe për Shqipërinë që duam, me shtet, punë mirëqenie. Deri në 2013-ën, në këtë zonë bastion të së djathtës dhe me numrin më të lartë të ndërtimeve pa leje, PD bëri vetëm 538 legalizime dhe shumica biznese, ndërsa nga viti 2014 deri sot janë bërë 5449 legalizime. Në më pak se gjysmën e kohës kemi bërë 10-fishin e punës dhe kemi arritur në mbi 130 mijë legalizime falas në të gjithë vendin (93% shtëpi), në dallim nga 21 mijë në tetë vitet e shkuara (82%biznese),” deklaroi Rama.

Rama ka kërkuar nga banorët e Kamzës që të votojnë Partinë Socialiste për një mandate të dytë për të siguruar më shumë mirëqenie dhe zhvillim për vendin.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.