Legalizimi i kanabisit për qëllime mjekësore – Rama: ‘Shqipëria nuk mund të presë më dhe se duhet të hedhë këtë hap’

Kreu i qeverisë Edi Rama në fjalimin e mbajtur sot gjithashtu u shpreh se një nga pyetjet e nismës së re do të jetë nëse duhet të legalizohet kanabisi në vendin tonë për qëllime mjekësore. Ai tha se bindja e tij është që Shqipëria nuk mund të presë më dhe se duhet të hedhë këtë hap.

“Kultivimi dhe përpunimi i kanabisit për qëllime mjekësore, pa legalizuar për qëllime të tjera, është një instrument që shumë vende po e përdorin për të fuqizuar ekonominë e tyre. Sot ka njerëz që thonë se Shqipëria, nuk është ende koha për të hyrë në këtë proces. Edhe unë e kam kundërshtuar. Por në këndvështrimin tim, nuk mund të presim më. Por është një vendimmarrje që na duhet më shumë sesa bindja jonë dhe duhet të kapërcejmë përtej kartonit dhe shumicës dhe të marrim një opinion shumë më të gjerë nga të gjithë shqiptarët” tha ai.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.