Lehtësira për ata që regjistrojnë mjetin për herë të parë – DPSHTRR: I kursejmë qytetarëve 300 milionë lekë në vit
Nëpërmjet një njoftimi të publikuar në faqen zyrtare të kryeministrit Edi Rama dhe referuar një postimi të Drejtorisë së Përgjithshme të Shërbimeve të Transportit Rrugor është bërë me dije se duke nisur nga 24 janari 2022 do të ketë lehtësira për të gjithë qytetarët që regjistrojnë automjetin për herë të parë.
“Mirëmëngjesi dhe me lajmin e mirë se duke nisur nga sot eliminojmë të tjera angari, kohë pritjeje e kosto të tepërta për qytetarët e subjektet që regjistrojnë mjete rrugore për herë të parë, ju uroj një javë të mbarë”, ka shkruar Rama.
Referuar DPSHTRR gjithashtu është bërë me dije se për regjistrimin e mjeteve për herë të parë janë hequr mbi 60 mijë praktika në vit që kërkonin përkthime, noterizime, njehsime me origjinalin nga dokumentet në gjuhë të huaj. I kursejmë qytetarëve 300 milionë lekë në vit.
Nga 24 janari 2022, DPSHTRR njeh:
- Dokumentet e origjinës dhe dokumentet teknike në gjuhë angleze.
- Dokumentet teknike nga prodhuesi nga vendet e BE ose sipas formatit të kodeve të direktivave të KE.
- Të dhënat e fitimit të pronësisë sipas deklaratës doganore. Më lehtë, më shpejt, më lirë”, shkruan Rama në Facebook.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.