Lehtësitë për hotelet me 5 yje, Rama: Kërkesa të larta për investime, emra të mëdhenj
Politikat lehtësuese fiskale të ndërmarra nga qeveria për hotelet me 4 dhe 5 yje, kanë sjellë interes në rritje të investitorëve në turizëm.
Duke e konsideruar si sektorin me potenciale të pashfrytëzuara dhe që do të kontribuojë ndjeshëm në ekonomi dhe punësim, kryeministri Edi Rama bëri me dije se bëhet fjalë për emra të mëdhenj kompanish që kanë shfaqur interes të zgjerojnë investimet në Shqipëri.
Kryeministri bëri me dije se paralel do të ecet me përmirësimin e infrastrukturës rrugore dhe portuale në të gjithë vendin, ku ritheksoi se autostrada Tiranë-Durrës do të bëhet me pagesë.
Kreu i qeverisë përmendi një sërë projektesh që do të vihen në zbatim në qytetin e Durrësit, ku një pjesë e mirë e tyre do të përqendrohen në zonë n e plazhit.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.